Tamil point

தமிழ்ப்புள்ளி படிப்பகம் -அறிமுகம்

2011-12-13T09:00:00.000-08:00

தினத்தந்தியின் கன்னித்தீவை படித்துக் கொண்டிருக்கும் போது சிறுவர்மலரின் அதிமேதாவி அங்குராசு கதைக்கு தாவியாரா? ஹாய் மதனிடம் பேசிக்கொண்டிருக்கும் போது அரசு பதிலுக்கு சிரித்ததுண்டா? தினமணியின் தலையங்கத்தைப் படிக்கையில் தினமலரின் டீ கடை பெஞ்சுக்கு போனதுண்டா? அடுத்தவர் அந்த பேப்பரை படித்து முடிக்கும் வரை இந்த பேப்பரில் உள்ள கண்ணீர் அஞ்சலில் படத்தையே மீண்டும் பார்த்துக் கொண்டிருக்கும் மக்களை படிப்பகங்களின் பார்த்திருக்கலாம். ஒரே நேரத்தில் உலகமே உங்களுக்கு லெட்டர் போட்ட பிரமையை உருவாக்குவது படிப்பகங்கள். திருவிழாக்காலத்திலும் திருகு குழாய் பிரச்சனை காலத்திலும் எல்லா பத்திரிகை செய்திகளையும் ஒரே இடத்திலிருந்தவாறு படிக்கும் சுகமே தனி. பெரும்பாலோர் நூலகங்களில் அனுபவித்திருக்கலாம், சிலர் மரத்தடி பதிப்பகங்களில் அனுபவித்திருக்கலாம். அத்தகைய ஒரு அனுபவத்தை இணையத்தில் தரமுடியாது இருப்பினும் ஓரளவு அதன் பயனை விரும்புகிறவர்களுக்காக இணைய பத்திரிகைகள் பலவற்றை ஒரே இடத்தில் தொகுக்கப் பட்டுள்ளது.

தமிழ்ப்புள்ளி படிப்பகம்

11000 தமிழ்த் தளங்களிலிருந்து இணையத்தில் இலவசமாகவுள்ள தமிழ் பத்திரிகைகள் மட்டும் பிரித்தெடுக்கப்பட்டு ஒரு பக்கம் உருவாக்கப்பட்டுள்ளது. இங்கிருந்தவாறே செய்தி ஊடகங்கள் மற்றும் சஞ்சிகைகள் படிக்கலாம். தெரியாத புதிய தமிழ் செய்தித் தளங்களை அறிந்து கொள்ளலாம்.

இணையத்தில் செய்தி ஊடகமாக பிகடனப் படுத்திய பிரபலத் தளங்கள் இணைய செய்தி ஊடங்கள் பிரிவில் தொகுக்கப்பட்டுள்ளது. அச்சு ஊடகங்களின் செய்தி வலைதளங்கள் மற்றும் இ-பேப்பர் தளங்ககளாக தொகுக்கப்பட்டுள்ளது. அதுபோல இணைய மற்றும் அச்சு சஞ்சிகைகளின் தளங்களும் பதிக்கப்பட்டுள்ளது.
சில தளங்களில் பதிவு செய்து கொண்டு எல்லா பக்கங்களையும் இலவசமாகப் படிக்கும் படியுள்ளது. சில தளங்களின் பதிவு செய்துகொண்டு குறிப்பிட்ட பகுதிகளை மட்டும் இலவசமாகப் படிக்கும் படியும் உள்ளது. முழுதும் கட்டணத் தளங்களாக உள்ளவைகள் சேகரிக்கப்படவில்லை. புதிய தளங்கள் காணப்பட்டால் இணைத்தும் செயல் படாத தளங்கள் தவிர்க்கப்பட்டும் இப்படிப்பகம் செயல்படும்.

தமிழ் ஒலிபெயர்ப்பு & வாக்கிய ஒப்பீடு செயலி

2011-11-20T15:27:00.000-08:00

தேங்கியூ, தேங்கியூ தேங்கியூ என்று நீங்கள் எழுதிக் கொடுத்தவொன்றை மங்கியூ, மங்கியூ, மங்கியூ என்று யாராவது எழுதினால் கோபம் வருகிறதா? அதேப் போல பல ஆயிரம் வார்த்தைகளுக்கு நடுவே சில இடங்களில் எழுத்தை மாற்றி எழுதி உங்கள் எழுத்தில் கலப்படம் செய்தால் கோபம் வருகிறதா? பத்திரிக்கைக்கு அனுப்பிய படைப்புகளில் கத்திரிக் கோல் விழுந்த இடங்களை கண்டுபிடிக்க வேண்டுமா? ஒரே அறிக்கையை ஒவ்வொரு தேர்தலிலும் வருகிறதாவென ஒப்பிட வேண்டுமா?இதற்கொல்லாம் உதவ வாக்கிய ஒப்பீட்டுச் செயலி அறிமுகமாகியுள்ளது. {தமிழ் என்றில்லை மற்ற மொழிகளுக்கும் இது பயன்படுத்தலாம்.}பொதுவாக ஒரு குறிப்பிட்ட வரிகள் அல்லது குறிப்பிட்ட வாக்கியங்கள் மற்ற ஒரு கட்டுரையில் உள்ளதா என்று பார்க்க எளிதாக ctrl+F செய்து பார்த்துவிடலாம். ஆனால் இரண்டு ஒரே மாதிரியான கட்டுரைகளில் இடையில் விடுபட்ட அல்லது சொருகப்பட்ட விஷயங்களைக் கண்டுபிடிக்க அந்தக் கட்டுரை முழுவதையும் படிக்க வேண்டும். எளிதில் கண்டுபிடிக்க இந்த செயலி உதவும், ஒவ்வொரு வார்த்தையாக சோதித்து விடுபட்ட வார்த்தையைக் காட்டிக் கொடுக்கும்வாக்கிய ஒப்பீடுசெயலியில் உள்ள இரண்டு பெட்டியில் இரண்டு வாக்கியங்களைக் கொடுத்தால் ஒப்பிட்டு மாறுபட்ட வார்த்தைகளை இரண்டு வாக்கியங்களிருந்தும் சிவப்பு வண்ணத்தில் காட்டும்.

அப்படி போடு போடு போடு... என்கிற பாடல் தமிழ் தெரியாதவர்கள் பலருக்கும் அறிமுகமாயிருக்கும். ஆனால் தமிழ் படிக்கத் தெரியாதவர்கள் யாரும் இப்பாடலை எழுத்துவடிவில் படிக்கமுடியாது. அதுவே அவர்கள் மொழியில் ಅಪ್ಪಟಿ ಪೋಟು ಪೋಟು ಪೋಟು என்றிருந்தால் எப்படியிருக்கும்? தமிழ் நாட்டிற்கு வேலை நிமிர்த்தமாக வந்து தமிழ் படிக்கத் தெரியாமல் பேசத் தெரிந்தவொரு ஹிந்திக்கார தாய்க்குலத்திற்கு ओरु चेलै वाङ्किनाल् ओरु चेलै इलवचम् என்று இருந்தால் எப்படியிருக்கும்? இதுவெல்லாம் ப்ராட்டிகளாக முடியாதுதான் அட்லீஸ்ட் இணையத்திலாவது இருக்கலாமே!அதற்கான ஒரு செயலி தான் இதுTamil Transliterationஇங்கு தமிழ் வாக்கியங்களை வேறு மொழி எழுத்துகளாக மாற்றும். காணப்படும் முதல் பெட்டியில் தமிழ் வாக்கியங்ககளை உள்ளீட்டு செய்து வேண்டிய மொழியினை அழுத்தினால் போதும். அந்தப் பெட்டியில் நேரடியாக தமிழில் தட்டச்சிடவும் வசதியுள்ளது. தற்போதைக்கு ரோமன்[ஆங்கில], தேவநாகரி[இந்தி], மலையாளம், கன்னடம், தெலுகு, சிங்களம்,குஜராத்தி எழுத்துகள் மட்டும் செயல்படுகிறது. வேறு சில மொழி எழுத்துகளுக்கும் மேம்படுத்தப்படலாம்.மேற்கூறியவர்கள் யாரேனும் இணையத்தில் வரும் போது இணைய பத்திரிகை மற்றும் உங்கள் பிளாக்கையும் அவர்கள் மொழி எழுத்துக்களால் படிக்கமுடியும். தமிழும் முழுதாகத் தெரியாமல் ஆங்கிலமும் முழுதாகத் தெரியாமல் வளரும் சில மெட்ரிக் பள்ளி மாணவர்களும் இங்கு வந்து தமிழ் கதைகளைப் படிக்கலாம். கடன் கொடுத்த சேட்டு கடைக்காரர்கள் கடனாளியின் தமிழ்ப் பதிவுகளுக்கு "அருமை", "சூப்பர்" என்று பின்னூட்டம் இட்டு வட்டி வாங்கலாம். வேற்று மொழியில் தங்கள் பெயர்களை எழுதி எலக்சனில் நிற்கலாம்.இறுதியாக தமிழ் படிக்க எழுத்துகள்[script] தடையில்லை என்று கொள்ளலாம்.விமர்சனமும் ஆலோசனையும் வரவேற்கப்படுகிறது

திரட்டிகளின் புதிய அணிவகுப்பு

2011-10-01T01:12:00.000-07:00

திரட்டிகள் தொகுப்பில் உள்ள பல திரட்டிகள் செயலிழந்துள்ள நிலையிலும் புதிய திரட்டிகள் பல வலு கொண்ட நிலையிலும் பழைய கழிதலும் புதியன புகுதலும் என திரட்டிகள் எல்லாம் சீர்படுத்தப்பட்டுள்ளது.

செழுமை குறைந்துவிட்ட திரட்டிகளாக கீழுள்ளவைகள் இனம்கணப்பட்டு களையப்பட்டுள்ளன.

bogy.com

thalaivan.com

tamiler.com

newspaanai.com

tamildaily.com

tamilarkal.com

narumukai.com

ellamtamil.com

புதிப் பொலிவுடன் புதிய திரட்டிகளாக இணைக்கப்பட்டவைகள்

http://udanz.com/

http://eegarai.com/net/

http://www.haaram.com

http://www.thenkoodu.in/

http://tamil.makkal.in

http://iniyatamil.striveblue.com/bookmarks

http://tamilulagam.0fees.net/

http://neechalchoice.blogspot.com

மற்றும் எளிய பின்புல மாறுதல்களும் செய்யப்பட்டுள்ளதால் வாசகர்கள் எளிதாக பகிர்வு செய்யமுடியும்

வாருங்கள் பயணிப்போம்

http://tamilpoint.blogspot.com/p/aggregators.html

மென் கோலம் அறிமுகம்

2011-08-02T09:30:00.000-07:00

பொதுவாக விதவிதமான அங்கில எழுத்துருக்கள் இயல்பாகவே யுனிக்கோடில் கிடைக்கின்றன மேலும் தனியாகவும் வடிவமைக்கும் படியும் மென்பொருட்கள் உள்ளன. தமிழிலும் விதவிதமான எழுத்துருக்கள் வந்துகொண்டிருக்கையில் மேலும் ஒரு புது வடிவங்கள்... வெர்சுவல் வடிவில். இது உண்மையில் புதிய எழுத்துரு வடிவமில்லை ஆனால் பல எழுத்துருவைக் கொண்டு ஒரு எழுத்துரு போன்ற பின்பத்தை உருவாக்கும் முறை எனலாம்.

ஒவ்வொரு எழுத்தின் பிக்சலையும் வேறொரு எழுத்தால் நிரப்பி எழுதலாம்.
░░░░░░░░░░░░░░░░░▓░░░░░░░░░░░░░░░░░░░
░░░▓▓▓▓▓░░░▓░░░░░░░░░░░░░░░░░░░░░░░░░
░░▓░▓░░░▓░░▓░▓░░░░▓▓░░▓░░░░▓▓░░▓▓▓▓▓░
░░░▓░░░░▓░░▓░▓░░░▓░░▓░▓░░░▓░░▓░▓░░▓░░
▓▓▓▓▓▓▓▓▓▓▓▓░▓░░░▓░░▓░▓░░░▓░░▓░▓░░▓░░
░▓░░░░░░▓░░▓░▓░░░▓░░▓░▓░░░▓░░▓░▓░░▓░░
░░▓▓▓▓▓▓░░░▓░▓▓▓▓▓▓▓▓░▓▓▓▓▓▓▓▓░▓░░▓░░
░░░░░░░░░░░░░░░░░░░░░░░░░░░░░░░░░░░░░
░░░░░░░░░░░░░░░░░░░░░░░░░░░░░░░░░░░░░
இது சாதாரண " ▓ " மற்றும் " ░ " என்ற இரண்டு குறியீடுகளால் எழுதப்பட்ட கலவையே நீங்கள் விரும்பிய இரண்டு குறியீடுகளை தேர்வு செய்து எந்தவொரு தமிழ் எழுத்தையும் இனி எழுதலாம். நடைமுறையில் இவை வனப்பெழுத்து என்பதால் தொடர் பத்திகளில் எழுதப் போவதில்லை தானே. எங்காவது வாழ்த்துச் சொல்லவோ, வரவேற்கவோ, புகழ்ந்துகொள்ளவோ, மொக்கை போடவோ, கிரிடிங் கர்டில் படமாக்கவோ என்று இதற்கு வாழ்வு கொடுக்கலாம். அல்லது அந்த கிரிடிங் கார்டை யாரவது கொடுத்தால் வங்கிக் கொள்ளலாம்:).

அதற்கான செயலி தற்போது அறிமுகம் செய்யப்படுகிறது மென் கோலம்

இதில் நேரடியாக எல்லா தமிழ்ச் சொற்களையும் தட்டச்சிடலாம், Font Text என்கிற பெட்டியும் BG Text என்கிற பெட்டியும் தான் நீங்கள் விரும்பும் குறியீடுகள் கொடுக்குமிடம். வண்ணங்கள் பூசிக் கொள்ளலாம். HTML கோடுகளாக விரும்பினால் GETCODE பட்டன் மூலம் பெறலாம்.கடைசியில் உள்ள பட்டங்கள் மூலம் எழுத்தை பெரிதாகவோ, சிறிதாகவோ மாற்றிக் கொள்ளலாம்.

இதன் குணங்கள் என்று சொல்லிக் கொள்ள ஏதுமில்லை, ஆனால் சொல்லியே ஆக வேண்டிய இரண்டு விஷயம் உண்டு.
ஒன்று, இதை அப்படியே காப்பி செய்து HTML வடிவம் படிக்கும் எதிலும் பேஸ்ட் செய்யலாம், அல்லது கோடிங்கை எடுத்தும் பேஸ்ட் செய்யலாம். உதாரணமாக, MS office application எல்லாம், பிளாக் பதிவுப்பகுதி, இணையதளங்கள், மின்னஞ்சல்கள்...எனலாம். இங்கெல்லாம் அந்த எழுத்துவடிவம் உள்ளது உள்ளபடியே நிறம், திடம், சுவையுடன் பயன்படுத்தலாம்.
இரண்டு, பிளாக்கர் கமெண்ட் பகுதி, நோட்பேட், பேஸ்புக் போன்ற இடங்களில் நிறம்,திடம்,உயரம் ஆகியவற்றை காப்பிசெய்யமுடியாது அதனால் தேர்வு செய்யும் இரண்டு குறியீடுகளும் இயல்பான நிற/வடிவ வேறுபாடு கொண்டதாக இருக்கவேண்டும்.
அம்மாதிரி குறியீட்டு ஜோடிகள் சில
" ▓ " , மற்றும் " ░ "
" ▩ " மற்றும் " ▢ "
" ▉ " மற்றும் " ▂ "
" [ "," ] " மற்றும் " . ", " , "

அவ்வளவே,

நீங்கள் கொடுக்கும் குறியீடு சமமான நீளத்தில் இருக்கவேண்டும் மற்றும் spaceயை குறியீடாகப் பயன்படுத்தினால் பிளாக்கர் கமென்ட் பகுதி உட்பட சில இடங்களில் பயன்படுத்தமுடியாது

சில மாதிரி கமெண்ட் வடிவங்கள் இங்கே இனி ப்ளாக் கமெண்டிலும் பயன்படுத்தலாம்.

தமிழ்ப்புள்ளியின் 2011 வாழ்த்துக்கள்.

2010-12-31T18:08:00.000-08:00

அனைவருக்கும் இனிய புத்தாண்டு வாழ்த்துக்கள்.Http://tamilpoint.blogspot.com

புதிய வடிவம்

2010-11-29T17:23:00.001-08:00

நவ 30,
புதிதாக சில வடிவ மாற்றங்களும் புதிய திரட்டிகளும் இணைக்கப்பட்டுள்ளது. அதனுடன் சோதனை முயற்சியாக ஒரே இடத்திலிருந்து பத்து திரட்டிகளுக்கு பதிவை இணைக்கும் புது வசதி அறிமுகம். இதில் நீங்கள் இணைக்க விரும்பும் பதிவின் முகவரியைக் கொடுத்து கீழுள்ள படங்களை சொடுக்குவதன் மூலம் நேரடியாக அந்த அந்த திரட்டிகளில் பதிவை இணைக்கமுடியும்.
http://tamilpoint.blogspot.com/p/submit.html

கூடுதலாக குறிப்புகள் அடிக்க பயன்படுமாறு தமிழாக்க வசதியுடன் கூடிய ஒரு அச்சுப் பெட்டியும் உள்ளது. இதனால் எளிதில் பதிவுகளை இணைக்கமுடியும் ஒரே குறிப்புகளை எளிதில் நகல் எடுத்து சமர்பிக்க முடியும்.

தமிழ் வலைப்பூக்களின் தொகுப்பு

2010-10-26T19:26:00.000-07:00

அக்.26
தமிழ் வலைப்பூக்களின் தொகுப்பு அறிமுகப்படுத்தப்பட்டுள்ளது. தமிழில் உள்ள வலைப்பூக்களை மொத்தமாகப் படிக்க இந்த பக்கம் உதவக்கூடும். கூடுதல் தகவல்களாக ஒவ்வொரு தளத்தின் பதிவு மற்றும் மறுமொழிகளின் எண்ணிக்கையும் தொகுக்கப்பட்டுள்ளது. இதுவரை 6671 பிளாக்கர் தளங்களும் 540க்கும் மேல் வேர்ட்பிரஸ் தளங்களும் தொகுக்கப்பட்டுள்ளது. புதிய புதிய தளங்கள் உருவானாலும் அவற்றையும் இணைக்கும் விதத்தில் வடிவமைக்கபப்ட்டுள்ளது.

தமிழ்மணம், tamilblogs.blogspot.com, tamilpadhivu.blogspot.com/2010/03/blog-post_11.html மற்றும் கூகிள் தேடல் ஆகிய தளங்களிலிருந்து வலை முகவரிகள் சேகரிக்கப்பட்டு தொகுக்கப்பட்டு வெற்று முகவரிகள் நீக்கப்பட்டு RSS feeds மூலமாக தளத்தைப் பற்றிய தகவல்கள் திரட்டப்பட்டது. இங்கே தொகுக்கப்பட்டுள்ளது. தமிழில் உள்ள எல்லா வலைப்பூவும் இங்குள்ளது என சொல்லமுடியாது. இருப்பினும் பிரதான தளங்கள் எதுவும் விடுபட்டிருக்காது என்பதில் ஐயமில்லை. நீங்களும் உங்கள் தளங்கள் இல்லாவிட்டால் தாராளமாகத் தெரியப்படுத்தலாம்.

http://tamilpoint.blogspot.com/p/tamil-blogs.html

மறுமொழித் திரட்டி அறிமுகம்

2010-10-11T19:31:00.000-07:00

அக்.12,

புதிய முயற்சியாக பிளாக்கர் தளங்கள் சுமார் 7000த்தின் மறுமொழிகளை திரட்டப்பட்டுள்ளது. தனி நபர் பிளாக்கர் முகவரியில் அண்மையில் பதிவு செய்த எல்லா தள மறுமொழிகள் மற்றும் குறிப்பிட்ட ஒரு தளத்தில் பதிவு செய்த மறுமொழிகள் என்று இருவகையான திரட்டி அறிமுகப்படுத்தப்பட்டுள்ளது. தன்னகத்தே எந்த சேமிப்பானும் இல்லாததால் ஒவ்வொரு முறையும் இந்த திரட்டி புத்தம் புதியதாக மறுமொழிகளைத் திரட்டும் அதனால் அதிகபட்சமாக இரண்டு நிமிடம் வரை தேடுதல் இருக்கலாம்.[முதல் முறை மட்டும்]

http://tamilpoint.blogspot.com/p/comments.html

இதில் உள்ளபடியே முன்னது பொதுவான அண்மைய மறுமொழிகளைத் திரட்டும். ஏறக்குறைய அனைத்து தளங்களின் கடைசி 500 மறுமொழிகள் அலசப்பட்டு உங்கள் மறுமொழியை மட்டும் பட்டியலிடும்.

பின்னது ஒரு குறிப்பிட்ட தளத்தில் நீங்கள் இட்டுள்ள மறுமொழிகளில் கடைசி 2000 மறுமொழிகள் அலசப்பட்டு பிரிக்கப்படும்.

இந்த இரண்டும் தற்போது தமிழ்ப் புள்ளி தள வழியில் பயன்படுத்துமாறு உள்ளது. விரைவில் செய்தி ஓடை வடிவில் உங்கள் கூகிள் ரீடரில் அலங்கரிக்கப் படும்.

மேலும் சில வசதிகள் கட்டப்பட்டுக் கொண்டிருக்கிறது.

இந்த மறுமொழித் திரட்டிப் பற்றிய ஆலோசனைகள் வரவேற்க்கப் படுகின்றன.

https://www.blogger.com/comment.g?blogID=5461158166291305315&pageID=719721591089161920

புதுப் பொலிவு

2010-08-12T13:38:00.000-07:00

அகஸ்ட் 13,

புதிதாக வலையகம், ஜீஜிக்ஸ், நறுமுகை மற்றும் மகளிர் கடல் திரட்டிகள் இணைக்கப்பட்டுள்ளது. இன்றைய நிலவரப்பட பிரபல திரட்டிகள் முன் வரிசைப் படுத்தப் பட்டுள்ளது. இதனுடன் திறக்கப்படும் பக்கத்தின் அளவில் பதிக்காமல் பட்டன்களின் அளவில் சிறிய மாறுதல்கள் மட்டும் செய்யப்பட்டுள்ளது.

10 முன்னணித் திரட்டிகள் மற்றும் 10 திரட்டிகள்யென மொத்தமாக இருபது திரட்டிகள் இங்கே திரட்டப்பட்டுள்ளது. உங்கள் ஆதரவுடன் மேலும் சிறக்க இந்த திரட்டியை ஆரோக்யமாகப் பயன்படுத்துங்கள்

புதிய உதயம்

2010-04-13T18:51:00.000-07:00

வணக்கம்,
ஒரு கன்னி முயற்சியாக தமிழ் திரட்டிகளை ஒருங்கிணைக்க உருவாக்கப்பட்ட இந்த தளம் சித்திரை முதல் நாளிலிருந்து நேரடிப் பயன்பாட்டுக்கு வருகிறது. தமிழ் பதிவர்களின் நேரத்தை மிச்சப்படுத்தவும் , அனைத்து வித பதிவுகளை ஒரே மையப்படுத்தவும் இந்த தளம் உதவக்கூடும். உங்களுக்கும் பயன் படும் என்ற ஒரு ஆசையில்ஆரம்பக்கட்டத்தில் நான் மட்டும் பயன்படுத்த தயாரித்த நிரலியை கொஞ்சம் மாறுதலுக்குட்படுத்தி இணையத்தில் வெளியிட்டுள்ளேன். நீங்களும் பயன் படுத்திப் பாருங்கள். உங்கள் நிறைகுறைகளையும் ஆலோசனைகளையும் எதிர்பார்கிறேன்.

அலெக்ஸ தரவரிசைப்படி முக்கியதமிழ் திரட்டிகள் தரவரிசைப் படுத்தப்பட்டுள்ளது. மேலும் புதிய திரட்டிகளை ஆவலுடன் இணைக்க காத்திருக்கிறேன்.

அனைத்துவித திரட்டியையும் ஒரே இடத்தில் பயன்படுத்த இந்த தளம் கட்டாயம் உதவும்.
உங்களுக்கு இது பயனுள்ளதாக இருந்தால் மற்றவருக்கும் அறிமுகப்படுத்துங்கள்

{சில குறிப்பிட்ட உலவிகளால் இந்த தளத்தைப்பயன் முழுமையாக படுத்தமுடியாது.}